ՄԵՐ ՄԱՍԻՆ
Մենք, ինչպես և դուք, սիրում ենք լավ գրքեր կարդալ, դիտել հետաքրքրաշարժ ֆիլմեր, լսել միայն որակյալ երաժշտություն: Ներշնչվում ենք գրականությամբ ու արվեստով: Ձգտում ենք մեր յուրաքանչյուր օրվա մեջ տեղ ու րոպեներ գտնել արվեստի հետ շփումների համար: Վստահ ենք, որ դուք էլ մեզ պես փնտրում եք հանդիպումներ արվեստի հետ, սակայն կյանքի ռիթմը, զբաղվածությունն ու հոգսերը խանգարում են: Մյուս կողմից էլ դժվար է կողմնորոշվել ի՞նչ դիտել, ի՞նչ կարդալ, ո՞ւմ լսել, ինչո՞ւ ընդհանրապես անել այդ ամենը:
«Art 365»-ը իհարկե չի լուծի ձեր ու արվեստի հարաբերության բոլոր խնդիրները, սակայն կօգնի կողմնորոշվել արվեստի ու կյանքի հարաբերության տարբեր հարցերում: Հետաքրքիր նյութերի միջոցով կնպաստի ձեր հանգստին ու ժամանցին: Կծանոթացնի հայ ու համաշխարհային, դասական ու ժամանակակից արվեստի գործերին ու արվեստագետներին: Ցույց կտա մեր ու ձեր կյանքում արվեստի տեղը, դերն ու նշանակությունը: Կտեղեկացնի արդեն կայացած և սպասվող մշակութային իրադարձությունների մասին: Կդառնա արվեստասերների, արվեստագետների ու արվեստաբանների շփման հարթակ: Կմոտիվացնի ու կներշնչի մեզ ու ձեզ տարվա յուրաքանչյուր օր:
Մենք ուզում ենք, որ արվեստի աշխարհի հետ հաճախակի առնչություններն ու շփումները դառնան պահանջ ու վերածվեն կենսակերպի: Ձևավորվի կյանքի նոր ոճ, որի կարգախոսը կլինի՝ «Ոչ մի օր առանց արվեստի»:
«Art 365»-ը՝ մշակութային, ճանաչողական, լրատվական կայք է, որը ստեղծվել է 2021 թվականին «Մշակութային նախագծերի կենտրոն» ՀԿ-ի կողմից, ՀՀ ԿԳՄՍ նախարարության դրամաշնորհով:
Հիմնադիրներ
-
Շուշան Մարուքի
Թարգմանչուհի
-
Հայկ Համբարձումյան
Գրականագետ