Լեզվի կոմիտեն մի քանի անգամ անդրադարձել է ՈՐ և ՈՐՊԵՍԶԻ շաղկապների կիրառությանը: Այնուհանդերձ հաճախակի են դրանց սխալ գործածության դեպքերը թե՛ գրավոր, թե՛ բանավոր խոսքում: Այդ իսկ պատճառով հարկ ենք համարում մեկ անգամ էլ հիշեցնել, թե երբ պետք է գործածել ՈՐ և երբ՝ ՈՐՊԵՍԶԻ: ՈՐՊԵՍԶԻ շաղկապը (ՈՐ-ի հետ զուգահեռաբար) կիրառվում է այն դեպքերում, երբ երկրորդական նախադասությունը նպատակի պարագա է, օրինակ. «Նա գնաց, ՈՐՊԵՍԶԻ հանդիպի իր ընկերներին» կամ՝ «Նա գնաց, ՈՐ հանդիպի իր ընկերներին» :Չի կարելի ասել. «Դա է պատճառը, ՈՐՊԵՍԶԻ նա հանդիպի իր ընկերներին», քանի որ այս դեպքում երկրորդական նախադասությունը պատճառի պարագա է: Այն դեպքերում, երբ երկրորդական նախադասությունը նպատակ ցույց չի տալիս, պետք է գործածել միայն ՈՐ շաղկապը, օրինակ՝ «Դա է պատճառը, ՈՐ նա հանդիպի իր ընկերներին»:Լեզվի կոմիտե
![ՈՐ և ՈՐՊԵՍԶԻ [որը որ դեպքում կիրառել]](https://static.ucraft.net/fs/ucraft/userFiles/art365/images/a-127-շաղկապ.jpg?v=1618488550)
ՈՐ և ՈՐՊԵՍԶԻ [որը որ դեպքում կիրառել]
15.04.2021
Լեզվանի